पथरी अपडेट। मोरङको पथरी शनिश्चरे–४ सोम्बारेस्थित वाल जागरण विद्यामन्दिरको २६औँ वार्षिकोत्सव तथा अभिभावक दिवस भव्य रूपमा सम्पन्न भएको छ । शुक्रबार विद्यालयको प्राङ्गणमा आयोजित सो कार्यक्रममा साकृतिक क्रियाकलापहरू साथै पुरस्कार वितरण गर्दै भव्यताका साथ सपन्न गरेको हो । 

विद्यालय व्यवस्थापन समितिका अध्यक्ष लिल बहादुर कार्कीको अध्यक्षतामा सम्पन्न कार्यक्रममा प्रधानाध्यापक नर बहादुर कार्की, सहायक प्रधानाध्यापक धुर्ब कटुवाल र व्यवस्थापन समिति सदस्य डिल्लीराम गौतमले विद्यालय तथा विद्यार्थीहरूको शिक्षण शिकाई एवम् अतिरिक्त कृयाकलापहरूमा सकृय सहभागिता जनाउन प्रोत्साहन गर्ने किसिमका कृयाकलापहरूका बारेमा स्पस्ट पार्नुभएको थियो । 

सो असरमा विद्यालयले शैक्षिक सत्र २०८१ मा उत्कृष्ट अंक ल्याउने नर्सरीदेखि कक्षा ९ सम्मका विद्यार्थीलाई ट्रफी प्रदान गरी प्रोत्साहन गरिएको थियो। साथै स्कुल टपर (जुनियर तथा सिनियर), अनुशासन, तीनै तहका सरसफाइमा उत्कृष्ट तथा वर्षभरि नियमित उपस्थित विद्यार्थीलाई पनि ट्रफीद्वारा पुरस्कृत गरिएको विद्यालयले जनाएको छ।

एसईई २०८१ मा सर्वोत्कृष्ट जिपिए ल्याउने विद्यार्थी सोहन ठकुरी र उनका अभिभावकलाई विशेष सम्मान गरिएको थियो। यसै अवसरमा पूर्व शिक्षकहरू विवेक न्यौपाने, केसिका दर्जी, मिना भट्टराई, डिल्लिमाया बस्नेत, बिशखा कार्की र किरण कार्की लाई सम्मान गरिएको थियो।

अभिभावक दिवस अन्तर्गत आयोजित मनोरञ्जनात्मक खेलतर्फ कुर्सी दौड (महिला) मा रमिता देउजा, अञ्जना दाहाल र तुलसा बस्नेत पुरस्कृत भए। पुरुषतर्फ छेलो खेलमा रोहन दाहाल र उमेश रानामगर, हण्डी फोर खेलमा अम्बिका बस्नेत तथा शिक्षकहरूको कुर्सी दौड प्रतियोगितामा रोमन खड्का, आकृति पौडेल र सुनिला राई पुरस्कृत भएका थिए।

कार्यक्रममा नर्सरीदेखि कक्षा ९ सम्मका विद्यार्थीहरूले आकर्षक सांस्कृतिक नृत्य तथा विविध प्रस्तुति प्रस्तुत गर्दै वार्षिकोत्सवलाई थप उल्लासमय बनाएका थिए।