पथरी अपडेट । लोकप्रिय लोक गायक महेश बुढाथोकीले आफ्नो गृह नगर पथरी शनिश्चरेको सिरमा विराजमान भुल्के जालपा देवीलाई समर्पित नयाँ भजन सार्वजनिक गरेका छन । 

स्थानीयवासीको धार्मिक आस्था र विश्वाससँग जोडिएको भुल्के जालपा देवीको महिमालाई समेटेर बुढाथोकीले ‘भुल्के देवी जाउँ’ बोलको भजन सार्वजनिक गरेका हुन । भजनमार्फत उनले पथरी शनिश्चरेको धार्मिक तथा सांस्कृतिक पहिचानलाई उजागर गर्ने प्रयास गरेका छन ।

भुल्के जालपा देवी पथरी शनिश्चरे क्षेत्रका स्थानीयवासीको धार्मिक आस्था र विश्वाससँग जोडिएको महत्वपूर्ण धार्मिक स्थलका रूपमा परिचित छ । देवीको महिमा र धार्मिक महत्वलाई गीतमार्फत प्रस्तुत गरिएको बुढाथोकीको नयाँ भजनले स्थानीयस्तरमा थप चर्चा पाउने अपेक्षा गरिएको छ । 

लोकगायन क्षेत्रमा आफ्नो छुट्टै पहिचान बनाउन सफल बुढाथोकीका ‘काफल गेडी कुटुक्कै’, ‘होस गर है सोल्टीनी’, ‘कम्मर बारूलै’, ‘बस्ला है माया’, ‘माझी दाई’ लगायतका गीतहरू चर्चित छन ।

नयाँ भजनमार्फत बुढाथोकीले मनोरञ्जनसँगै आफ्नो गृह नगरको धार्मिक सम्पदा र स्थानीय आस्थालाई समेत राष्ट्रियस्तरमा चिनाउने प्रयास गरेका छन ।

भिडियो: