पथरी अपडेट
पथरी। राष्ट्रिय वृक्षारोपण दिवस तथा लाहा खेती प्रवद्र्धन अभियानअन्तर्गत पथरीशनिश्चरे–१० मा रहेको पशुपति सामुदायिक वन उपभोक्ता समूहले लाहा खेतीको विधिवत सुरुवात गरेको छ। शनिबार सम्पन्न विशेष कार्यक्रममा वनको खण्ड–१ मा लाहा उत्पादनका लागि आवश्यक होस्ट प्लान्ट–सेमिया लत्ता र कुसुमका बिरुवा रोपिएका छन् ।

कार्यक्रमका प्रमुख अतिथि प्रदेशसभा सदस्य माननीय मानबहादुर लिम्बुले सामुदायिक वनले आत्मनिर्भरतातर्फको नयाँ यात्रा थालेको उल्लेख गर्दै लाहा खेतीलाई आर्थिक रुपान्तरणको महत्वपूर्ण उपायका रूपमा बताए । “अब वन केवल हरियालीको स्रोत मात्र होइन, आम्दानीको केन्द्र बन्ने सम्भावना बोकेको छ,” उनले भने ।

विशिष्ट अतिथि प्रदेशसभा सदस्य माननीय गिता तिम्सिनाले सामुदायिक वनले परम्परागत सोचबाट बाहिर निस्कँदै लाहा खेतीजस्ता नविन प्रयासमार्फत आर्थिक समृद्धिको यात्रा प्रारम्भ गरेको बताइन ्। “वन उपभोक्ताको सक्रिय सहभागिता र मेहनतले यो क्षेत्रबाट राम्रो आम्दानी सम्भव छ,” तिन्सिनाले भनिन् ।

डिभिजन वन कार्यालय मोरङका प्रमुख उत्सव थापाका अनुसार कार्यालयको प्राविधिक सहकार्यमा यो वर्ष ३ हेक्टर क्षेत्रमा लाहा खेती विस्तार गरिएको छ– २ हेक्टरमा पशुपति सामुदायिक वन र १ हेक्टरमा महिला जागृति सामुदायिक वनमा। “यो दीर्घकालीन आम्दानीको भरपर्दो विकल्प हो,” उनले उल्लेख गरे ।

कार्यक्रममा लाहा विशेषज्ञ डम्बर विश्वकर्माले लाहाको वैज्ञानिक पक्षबारे जानकारी दिँदै भने, “सिमाया बिततब र क्अजभिष्अजभचब यभियकब रूखमा हुर्काइने लाहा कीराबाट प्राप्त हुने प्राकृतिक गोंद वातावरणमैत्री र जैविक हुन्छ, जसको व्यापारिक मूल्य निकै उच्च छ ।”

वडा नं. १० का वडाध्यक्ष जीवन खतिवडाले लाहा खेतीले युवाहरुलाई स्वदेशमै रोजगारीको अवसर दिन सक्ने बताउँदै वैदेशिक रोजगारीको बाध्यता हटाउने समाधान यही हो भने। महासंघ मोरङकी सचिव सिता चौहान रायमाझीले लाहा खेतीले महिलाहरूको आत्मनिर्भरता र सशक्तीकरणमा समेत योगदान पु¥याउने विश्वास व्यक्त गरिन ्।

कार्यक्रममा उपाध्यक्ष बालकुमार ठाडा मगरले स्वागत मन्तव्य दिएका थिए भने कार्यक्रमको अध्यक्षता समूह अध्यक्ष पुष्पराज शाहीले गरेका थिए। संचालन विवेक न्यौपानेले गरेका थिए। कार्यक्रममा नगरभित्रका ११ वटा सामुदायिक वनका प्रतिनिधि, विभिन्न विद्यालयका प्रतिनिधि तथा उपभोक्ताहरुको उत्साहजनक सहभागिता रहेको थियो ।