मोरङ। नेपाली कांग्रेसको विद्यार्थी राजनीतिबाट आफ्नो राजनीतिक यात्रा सुरु गरेका युवा नेता नविन खड्का ‘केडी’ यसपटक पार्टीको केन्द्रीय महाधिवेशन प्रतिनिधि पदका लागि प्रतिस्पर्धामा उत्रिने तयारीमा छन ।

मोरङ क्षेत्र नम्बर ३ पथरी शनिश्चरे ८ का केडी विद्यार्थी संगठनको राजनीतिमा सक्रिय हुँदै कांग्रेसको संगठन निर्माण र सामाजिक गतिविधिमा निरन्तर जोडिँदै आएका केडी नेपाली कांग्रेसको १४औँ महाधिवेशनमा प्रदेश प्रतिनिधिमा निर्वाचित भएका थिए। उक्त निर्वाचनमा उनले उल्लेख्य मत प्राप्त गरेको बताइएको छ।

विद्यार्थी राजनीतिबाट पार्टीको मूलधारको राजनीतितर्फ अघि बढेका केडीको राजनीतिक सक्रियता संगठन विस्तार, युवाको सहभागिता र सामाजिक सरोकारका विषयसँग जोडिँदै आएको छ। लामो समयदेखि कांग्रेसको संगठनमा सक्रिय रहँदै आएका उनी पार्टीभित्र नयाँ पुस्ताको प्रतिनिधित्व गर्ने नेताका रूपमा आफ्नो राजनीतिक भूमिकालाई विस्तार गर्ने प्रयासमा छन्।

केडी यसअघि नेपाल विद्यार्थी संघका निवर्तमान केन्द्रीय सदस्य समेत हुन्। विद्यार्थी राजनीतिमा रहँदा संगठनात्मक गतिविधि तथा युवासँग सम्बन्धित विषयमा सक्रिय भूमिका निर्वाह गरेका उनले विद्यार्थी आन्दोलनबाट सिकेको संगठनात्मक अनुभवलाई पार्टीको राजनीतिमा समेत निरन्तरता दिँदै आएका छन्।

कांग्रेसको १४औँ महाधिवेशनमा प्रदेश प्रतिनिधिका रूपमा प्राप्त गरेको मतलाई आफ्नो राजनीतिक यात्राको महत्वपूर्ण आधारका रूपमा लिँदै केडीले अब केन्द्रीय महाधिवेशन प्रतिनिधिका रूपमा पार्टीको नीति, संगठन र भावी नेतृत्व निर्माणको प्रक्रियामा थप सक्रिय भूमिका खोजेका छन्।

युवा पुस्ताको बढ्दो राजनीतिक चासो र कांग्रेसभित्र पुस्तान्तरणको बहस चलिरहेका बेला केडीको उम्मेदवारीलाई पनि त्यही परिवेशसँग जोडेर हेरिएको छ। विद्यार्थी राजनीतिबाट पार्टीको सांगठनिक संरचनामा प्रवेश गरेका केडीका लागि केन्द्रीय महाधिवेशन प्रतिनिधिको प्रतिस्पर्धा राजनीतिक यात्राको अर्को महत्वपूर्ण चरण बन्ने देखिन्छ।

आफ्नो राजनीतिक यात्रालाई विद्यार्थी राजनीतिदेखि पार्टीको संगठनसम्म विस्तार गर्दै आएका केडी अब महाधिवेशन प्रतिनिधिका रूपमा आफूलाई थप स्थापित गर्ने तयारीमा छन्। उनको उम्मेदवारीले कांग्रेसको स्थानीय तथा प्रदेश तहमा सक्रिय युवा पुस्ताको प्रतिनिधित्व र पार्टीभित्र उनीहरूको भूमिकाबारे हुने बहसलाई समेत अगाडि ल्याएको छ।